"Bagamat puno ng pagmamahal ang pangalan, walang alam si Eros pagdating sa pag-ibig.
Ang tanging hangad lamang niya ay ang magampanan ang lead role ng paborito niyang dula. Kaya nang dumating si Zach sa buhay niya at may nangyaring insidente na gumulo sa isipan niya noong audition, inakala niyang puro kamalasan lang ang dala nito. Ngunit nang mabigyan siya ng pangalawang pagkakataong gumanap sa tanghalan, nag-iba ang pagtingin niya rito sa pagtulong nito tuwing nag-eensayo siya.
Hindi maitatanging masaya siya tuwing kasama si Zach. Pero dahil sa panibagong nararamdaman, kailangang alamin ni Eros kung totoo nga ba ang itinitibok ng puso niya."