Durante os dous anos que pasa encerrado no Cárcere de Reading, Óscar Wilde ve a Charles Woolridge, un membro da Garda Montada que fora condenado a morte por matar a súa esposa. Desa visión, e da súa propia experiencia carceraria, xorde a Balada do Cárcere de Reading, o grande alegato literario do século pasado contra o sistema penitenciario, a lexislación británica e a pena de morte.

Son seis cantos de poderosa e profunda poesía cos que Wilde pon punto final a unha escrita marcada, ata entón, polo enxeño, o xogo, a ironía, o hedonismo e a adicción estética. En A Balada, Wilde abandona os seus principios creadores e presenta, nun estilo sinxelo e directo, un testamento para a eternidade, unha descarnada visión sobre a hipocrisía e a vinganza, pero tamén sobre o amor e a xenerosidade. Versos que quedarán marcados na memoria dos lectores pola súa forza e a súa lucidez. “Os homes matan aquilo que aman, / que todos o oian: / algúns fano cunha mirada aceda, / outro cunha loa; / o covarde faino cun bico, / ¡o valente cunha espada!

Editorial: Laiovento 01-2003
Idioma: Galego
Páxinas: 115