Compostela é un fervedoiro de peregrinos e conspiracións. A raíña, dona Orraca, intenta afianzar o seu poder entre os nobres e o pobo. O arcebispo, o todopoderoso Diego Xelmírez, contempla como avanzan as obras da nova catedral e intenta aplacar a rebelión que fermenta entre as rúas e a miseria.

Esta é a historia de Ilduara, unha nena orfa que estraña un pai, e Triboulet, un canteiro roto por dentro que estraña a súa filla. Esta é a historia de como fixerona as paces co seu pasado mediante o lume a a ira.

• O tirano e a raíña: A novela sitúa a acción nun momento de máxima tensión política. Por un lado está o todopoderoso e ambicioso arcebispo Diego Xelmírez, quen afoga a Santiago en impostos abusivos para construír a nova catedral e financiar o seu propio exército. Polo outro, a raíña dona Orraca (Urraca I de León), que tenta afianzar o seu poder mentres é traizoada polos nobres. 
• A revolta popular: Mentres os poderosos pelexan polas migallas do poder, o pobo humilde sofre a miseria e a fame, o que fai que as rúas de Compostela sexan un fervedoiro onde unha gran revolución social está a piques de estalar. 

• Ilduara: Unha nena orfa e ratera que voa polos tellados e rouba nos rueiros de Santiago. É a filla dun ourives que foi arruinado polas esixencias económicas de Xelmírez. 
• Triboulet: Un canteiro xorobado roto por dentro trala morte da súa filla. Afoga as súas penas na sidra mentres gasta os seus días tallando demos de pedra na catedral en construción. 
• O vínculo: Ambos os dous perdelo todo e só se teñen o un ao outro. No medio do caos e o lume da rebelión, tentarán facer as paces co seu pasado e atopar de novo o afecto de ser pai e filla. 

• O gran personaxe: O autor converte á propia Catedral de Santiago en construción e ao Camiño de Santiago nos verdadeiros motores da trama.
• Desmitificación: Lonxe de idealizar a ruta xacobea como un espazo puramente espiritual, a novela amosa a súa cara máis crúa e realista: un escenario de tránsito, comercio, desigualdade, codicia e morte onde os peregrinos adoitan ser as vítimas do egoísmo dos señores feudais

Francisco Narla é comandante de liña aérea e escritor. Publicou novela, relatos, poesía, ensaios técnicos e artigos. Como conferenciante, participou en diferentes foros, como centros universitarios ou programas de radio e televisión (Cuarto milenio, O gardián da noite  ;Milenio).
En 2009 publica a súa primeira novela,;Os lobos do centeo, tras cuxo éxito en España é editada en México para toda Latinoamérica. En 2012 sorprendeunos con;Assur, coa que recibe o aplauso do público e conquista as listas dos máis vendidos. E ao ano seguinte preséntanos Ronin,;coa que se consagrou como un dos máis versátiles e talentosos escritores de novela histórica do noso país;En;Caixa negra, un maxistral;thriller, une misterios escuros e arcaicos cunha trama de intriga actual enmarcada no mundo da aviación.

_____

Editorial: Aira 03-2026
Idioma: Galego
Páxinas: 542
NARRATIVA
HISTORIA
SANTIAGO
URRACA
XELMIREZ